calendreta pergosina

Publié le 8 Octobre 2007

traduction du texte sur le site de la calendreta

http://www.calandreta-pergosina.org/siteOC/accueilOC.htm


Calandreta Pergosina es l'escòla associativa bilingua occitana de Periguers. Druberta en 1999, Calandreta Pergosina aculhís uei ‘na vintena de calandrons escolarizats dempuei la pita seccion de la mairala jusc’au CE1. Los drollichons son aculhits dempuei l’atge de dos ans e demiá, sitòst l’aquesida de la netetat. Dempuei la creacion de l’escòla, las seccions se drueben a flor e a mesura, parallelament a l’avança daus mainatjons :entau, la classa dau CE2 drubirà a la rentrada que ven.

Lo bilingüisme per tots

La Calandreta es n’escòla gratis e laïca. En mai d’èsser en conformitat emb los programas de l’Educacion Nacionala, l’ensenhament balhat integra ‘na donada fondamentala :lo bilingüisme. Calandreta Pergosina es l’unica en Dordonha a prepausar un projecte pedagogic vertadier fondat sus l’immersion lingüistic e los bienfachs dau bilingüisme precòce. A la Calandreta, los mainatges son en immersion dins la lenga occitana lo long de la jornada e de lors activitats.

L’afeccion a ‘na cultura e un territòri...

La lenga de l’escòla es lo lemosin, dialecte occitan parlat a Perigüers. Permetre aus mainatjons de consentir a la lenga e a la cultura occitanas, quò es lor balhar la possibilitat de s’integrar mai aisadament a lor environadís sociau e culturau.

...e una drubertura sus lo monde e los autress

A l’encontrari de la nocion de replec identitari, lo bilingüisme farja daus dròlles curios e druberts sus los autres e las autras culturas. Favoriza mai que mai l’aprendissatge de las lengas vivas, que la coneissença fai mestier uei. A la Calandreta, la lenga occitana es ensenhada, mai ensenhaira.

L’engatjament daus parents

En-delai de la dimension escolara, la Calandreta es tanben n’ associacion. Los parents s’investissen dins la vida associativa, participan a las animacions, collaboran a la vida escolara e a l’administracion de l’escòla. Quel’engatjament, a la mesura de las competéncias e de las disponibilitats de chascun, se pòt pas sompartir dau bon foncionament de l’escòla. Es una de las claus dau succès de nòstre chaminament.


http://www.calandreta-pergosina.org/siteOC/accueilOC.htm

Rédigé par bruno

Repost 0
Commenter cet article